Լուրեր

ՀՀ գլխավոր հյուպատոս Ասոյանի հանդիպումը Ռոստովի նահանգապետի հետ

01.09.2016

Կից լուսանկարներ

ՀՀ գլխավոր հյուպատոս Ասոյանի հանդիպումը Ռոստովի նահանգապետի հետ

ՀՀ գլխավոր հյուպատոս Ասոյանի հանդիպումը Ռոստովի նահանգապետի հետ

 

 

Ամբողջ ալբոմ »

ՀՀ գլխավոր հյուպատոս Ասոյանի հանդիպումը Ռոստովի նահանգապետի հետ
Սեպտեմբերի 1-ին Դոնի Ռոստովում ՀՀ նորանշանակ գլխավոր հյուպատոս Վարդան Ասոյանը հանդիպում ունեցավ Ռոստովի նահանգապետ Վասիլի Գոլուբևի հետ:

Ողջունելով ՀՀ գլխավոր հյուպատոսին՝ Ռոստովի նահանգապետը շնորհավորեց Վարդան Ասոյանին պաշտոնը ստանձնելու կապակցությամբ և մաղթեց ամենայն հաջողություն իր կարևոր առաքելության իրականացման գործում: ՀՀ գլխավոր հյուպատոսը շնորհակալություն հայտնեց ընդունելության համար, Դոնի Ռոստովի մարզային և քաղաքային իշխանությունների հետ բարեկամական հարաբերությունները՝ նշելով, որ իր պաշտոնավարման ընթացքում ամենայն ջանք կգործադրի ավանդական ջերմ հարաբերությունների հետագա զարգացումը խթանելու համար:

Հանդիպմանը ուրվագծվեցին առկա ամուր բարեկամական հարաբերությունների հետագա ընդլայնման նպատակով համատեղ ձեռնարկվելիք քայլերը: Վասիլի Գոլուբևը ներկայացրեց ապակենտրոնացված համագործակցության շրջանակներում Ռոստովի մարզի հետ առկա պատմական հարաբերությունները, Հայաստանի և Ռոստովի մարզի գործարարների միջև հաստատված սերտ կապերն և դրանց զարգացման հեռանկարները: Այս համատեքստում Վարդան Ասոյանը նշեց, որ Հայաստանը մեծապես կարևորում է տարածաշրջանային համագործակցությունը և առևտրատնտեսական հարաբերությունների զարգացումը։ ՀՀ գլխավոր հյուպատոսը նահանգապետին ներկայացրեց ՀՀ տնտեսական զարգացման ծրագրերը և սեպտեմբերի 19-22-ը Հայաստանում կայանալիք «Արտադրված է Հայաստանում 2016» ցուցահանդեսի նախապատրաստական աշխատանքները:

Մտքեր փոխանակվեցին համատեղ տնտեսական և մշակութային միջոցառումների կազմակերպման հնարավորությունների շուրջ: Երկուստեք կարևորվեց Ռոստովի մարզի հայ համայնքի դերակատարությունը: 

ՀՀ ԱԳՆ
պաշտոնական կայք
Երկքաղաքացիություն Էլեկտրոնային
վիզա
Արտոնագրի
ձևեր