Դոնի Ռոստովում ՀՀ գլխավոր հյուպատոս Լևոն Մինասյանը ներկա է գտնվել Դոնի Ռոստով քաղաքի «Ռուսաստանն իմ պատմությունն է» պատմության թանգարանում «Հայկական քաղաքը Դոնի Ռոստովում» թանգարանային մուլտիմեդիոն ցուցադրության բացման արարողությանը:

17 ապրիլի, 2024

Ապրիլի 16-ին Դոնի Ռոստովում ՀՀ գլխավոր հյուպատոս Լևոն Մինասյանը ներկա է գտնվել Դոնի Ռոստով քաղաքի «Ռուսաստանն իմ պատմությունն է» պատմության թանգարանում «Հայկական քաղաքը Դոնի Ռոստովում» թանգարանային մուլտիմեդիոն ցուցադրության բացման արարողությանը: Ցուցադրությունը տևելու է մինչև ս.թ. ապրիլի 27-ը:

«Հայկական քաղաքը Դոնի Ռոստովում» ցուցադրությունը Դոնի Նախիջևան հայկական քաղաքի պատմական հիշողությունը պահպանելու և արդիականացնելու միջոց է: Ժամանակին քաղաքը միաձուլվելով Ռոստովի հետ՝ դարձել է Դոնի Ռոստովի թաղամասերից մեկը: 1929թ. այն անվանափոխվել է Պրոլետարսկի շրջան:

Գլխավոր հյուպատոս Լևոն Մինասյանը իր խոսքում նշեց.

Շատ կարևոր է, որ Դոնի Նախիջևանի պատմությունը փակված և մոռացված չէ և նման միջոցառումները դրա ապացույց են:

Գլխավոր հյուպատոսը շնորհակալություն հայտնեց Դոնի Ռոստով քաղաքի «Ռուսաստանն իմ պատմությունն է» պատմության թանգարանի տնօրինությանը՝ նշելով, որ սա երրորդ հայկական ուղղվածություն ունեցող ցուցահանդեսն է, որը ներկայացվում է վերոնշյալ թանգարանի հարթակում: Առաջինը եղել է Հայոց ցեղասպանության զոհերի հիշատակին նվիրված «Ոչ ցեղասպանությանը» խորագրով մուլտիմեդիոն ցուցադրությունը, իսկ երկրորդը՝ «Առանց փառքի իրավունքի, ի փառս պետության. Գևորգ Վարդանյան», նվիրված լեգենդար հետախույզի ծննդյան 100-ամյակին:

Ցուցահանդեսի վեց թեմատիկ սրահներում ժամանակակից տեխնոլոգիաների և մուլտիմեդիա սարքավորումների օգնությամբ ներկայացվում է Դոնի Ռոստովի հայկական քաղաքի պատմությունը, նրա տնտեսական, հասարակական և մշակութային կյանքը: Ցուցադրության սրահներից մեկը նվիրված է Նախիջևանի հանրաճանաչ բնակիչներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր