Դոնի Ռոստով քաղաքում տեղի ունեցան Հայոց ցեղասպանության 109-րդ տարելիցին նվիրված միջոցառումներ

25 ապրիլի, 2024

Հայոց ցեղասպանության 109-րդ տարելիցի կապակցությամբ ս.թ. ապրիլի 24-ին գլխավոր հյուպատոս Լևոն Մինասյանը և գլխավոր հյուպատոսության ողջ անձնակազմը Դոնի Ռոստովի Սուրբ Հարություն եկեղեցում ներկա են գտնվել Հայոց ցեղասպանության զոհերի հիշատակի պատարագին, որից հետո կազմակերպվել է ծաղկեպսակի և ծաղիկների զետեղման արարողություն «Ո՛չ Ցեղասպանությանը» նվիրված հուշարձանին: Արարողությանը ներկա են գտնվել «Դոնի Նախիջևան հայկական համայնք» հասարակական կազմակերպության ղեկավար Հարություն Սուրմալյանը, Ռոստովի մարզի օրենսդիր ժողովի և Դոնի Ռոստովի քաղաքապետարանի ներկայացուցիչներ, հասարակական գործիչներ, մտավորականներ, հայ համայնքի ներակայացուցիչներ և այլոք:

Ապրիլի 24-ի երեկոյան ժողովրդական արվեստի մարզային տանը կազմակերպվեց “Вопреки всему” խորագրով երեկո՝ նվիրված Հայոց ցեղասպանության տարելիցին, որին մասնակցում էին մարզային, քաղաքային, համայնքային և հասարակական շրջանակների ներկայացուցիչներ:

Ս.թ. ապրիլի 20-ից «Դոնի Նախիջևան հայկական համայնք» հասարակական կազմակերպության ջանքերով Դոնի Ռոստով քաղաքի տարբեր մասերում տեղադրվել են մի քանի տասնյակ տեղեկատվական վահանակներ՝ նվիրված Հայոց ցեղասպանության 109-րդ տարելիցին:

Նշենք նաև, որ ապրիլի 24-ին Դոնի Ռոստովում ՀՀ գլխավոր հյուպատոսությունը ստացել է Ռոստովի նահանգապետի անունից կառավարական ցավակցական հեռագիր, որում մասնավորապես ասվում է.
«Հարգելի Լևոն Վալերիի,
Ռոստովի մարզի բնակիչների անունից ընդունեք ցավակցություններս 1915 թվականի ցեղասպանության զոհերի հիշատակի օրվա կապակցությամբ:
Այսօր մենք սգում ենք հայ ժողովրդի հետ միասին և խոնարհվում ենք անմեղ զոհերի հիշատակի առջև:

Ռոստովի մարզի նահանգապետ՝ Վ.Գոլուբև»:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր