Միգրացիոն օրենսդրության փոփոխման արդյունքում ՌԴ-ում գտնվելու կանոնների խստացման վերաբերյալ

12 մարտի, 2025

Ինչպես նախկինում տեղեկացվել է, Ռուսաստանի տարածքում օտարերկրյա քաղաքացիների իրավական կարգավիճակին վերաբերվող ՌԴ օրենսդրության մեջ կատարվել են միգրացիոն կանոնների մի շարք փոփոխություններ, որոնք նախատեսում են ինչպես կացության օրինական կարգավիճակ չունեցող օտարերկրացիների նկատմամբ տուգանք, վտարում կամ մուտքի արգելք սահմանելու նոր ընթացակարգեր, այնպես էլ սահմանված ժամկետում՝ 2025թ. հունվարի 1-ից մինչև ապրիլի 30-ը, կարգավիճակի օրինականացման հնարավորություն:

Եթե դուք հայտնվել եք ՌԴ վերահսկվող անձանց ռեեստրում՝ ապա կարող եք ներկայանալ յուրաքանչյուր միգրացիոն ծառայության բաժին, դիմել կարգավիճակի օրինականացման համար, վճարել անհրաժեշտ տուգանքը, որի չափը կախված է լինելու ձեր կողմից թույլ տված օրինախախտումներից (5000 ռուբլիից մինչև 40,000 ռուբլի)։

ՌԴ տարածքում գտնվող օտարերկրյա քաղաքացիների մասին տեղեկատվության ստուգման համար նախատեսված վերահսկվող անձանց ռեեստրը հասանելի է հետևյալ հղումով՝ https://мвд.рф/rkl

Դոնի Ռոստովում ՀՀ գլխավոր հյուպատոսությունը հորդորում է ՌԴ տարածքում ապօրինի գտնվող ՀՀ քաղաքացիներին հաստատել ՌԴ-ում իրավական կարգավիճակը և նախազգուշացնում, որ ս․թ․ մայիսի 1-ից ՌԴ իշխանությունները իրականացնելու են անօրինական միգրանտների արտաքսում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր